អាកាសធាតុរដូវរងា 2020-2021

ផែនការរបស់យើងសម្រាប់ព្យុះរដូវរងា

នៅទីក្រុង Seattle រដូវរងាអាចនាំមកនូវភ្លៀងធ្លាក់ខ្លាំង ខ្យល់ ទឹកកក និងព្រិលខ្លាំង។ ក្រសួងដឹកជញ្ជូនទីក្រុង Seattle (SDOT) ពិនិត្យមើលស្ថានភាពនានាដើម្បីធានាឲ្យបានថា លោកអ្នកមានសុវត្ថិភាពក្នុងពេលដែលព្យុះរដូវរងាជិតមកដល់។ បុគ្គលិករបស់យើងតាមដានរបាយការណ៍អាកាសធាតុ 24 ម៉ោងក្នុងមួយថ្ងៃ រយៈពេលពេញមួយឆ្នាំ ដោយប្រើខ្សែទូរស័ព្ទផ្ទាល់ទៅ National Weather Service និងទិន្នន័យពី រ៉ាដា Doppler ដែលផ្សាយផ្ទាល់។ យើងប្រើឧបករណ៍ព្យាករណ៍ដែលបានបង្កើតឡើងជាមួយ សាកលវិទ្យាល័យវ៉ាស៊ីនតោន (University of Washington ) ដែលហៅថា SNOWWATCH ដើម្បីសិក្សាពី របៀបដែលព្យុះទំនងជាមានផលប៉ះពាល់បំផុតដល់តំបន់ជិតខាងនានា។ ព័ត៌មាននេះជួយកំណត់ទីកន្លែងដែលក្រុមការងាររបស់យើងនឹងត្រូវការមុនគេ។ ស៊ិនស័រចាប់សញ្ញាលើផ្ទៃដី និងស៊ិនស័រចាប់សញ្ញាដោយកុំព្យួទ័រ ដែលស្ថិតនៅលើស្ពាននានាក្នុងទីក្រុង ឲ្យដឹងសីតុណ្ហភាពលើផ្ទៃផ្លូវថ្នល់ និងក្នុងខ្យល់បានជាក់លាក់ និងទាន់ពេលវេលា។ យើងប្រើម៉ាស៊ីនថតផ្សាយផ្ទាល់តាមអ៊ីនធឺណិតទាន់ពេលវេលាជាក់ស្ដែង ដើម្បីពិនិត្យមើលស្ថានភាពពិតៗដែលកំពុងកើតឡើងនៅតាមដងផ្លូវសំខាន់ៗ។ លោកអ្នកអាចមើលការផ្សាយតាមម៉ា ស៊ីនថតនៅលើគេហទំព័ររបស់យើងតាមរយៈ www.seattle.gov/travelers.

គោលដៅរបស់យើងគឺដើម្បីរក្សាទីក្រុង Seattle ឲ្យមានដំណើរការប្រកបដោយសុវត្ថិភាព

ក្នុងអំឡុងពេលមានព្យុះដ៏ខ្លាំង ក្រុមការងាររបស់យើងធ្វើការ 7 ថ្ងៃក្នុងមួយសប្តាហ៍ 24 ម៉ោងក្នុងមួយថ្ងៃ ដើម្បីសម្អាតផ្លូវសំខាន់ៗ បំផុតក្នុងទីក្រុងសម្រាប់ឱ្យឡានក្រុងធ្វើដំណើរ និងសេវា កម្មសង្គ្រោះបន្ទាន់ ។ មុនពេលព្រិលចាប់ផ្ដើមធ្លាក់ ក្រុមការងាររៀបចំផ្លូវ និងស្ពានសំខាន់ៗជាមុន ដោយប្រើថ្នាំរំលាយទឹកកក ដើម្បីជួយទប់ស្កាត់កុំឲ្យទឹកកកបង្កកបាន។ នៅពេលព្រិលចាប់ផ្ដើមធ្លាក់ ក្រុមការងារឈូសផ្លូវឥតឈប់ឈរ ហើយបបាចចអំបិលនៅលើផ្លូវណាដែលចាំបាច់នៅពេលព្រិលបន្តធ្លាក់។ មានគន្លងផ្លូវប្រហែល 1200 ម៉ាយល៍ ជាផ្លូវធំៗនៅទីក្រុង Seattle។ គេអាចចំណាយពេលវេលាដល់ទៅ 12 ម៉ោងដើម្បីសម្អាតផ្លូវទាំងអស់នេះ ក្រោយពេលព្យុះឈប់។ ប្រព័ន្ធតាមដានទីតាំងសាកល (GPS) តាមដានទីតាំងរបស់ឡានឈូស និងឡានដឹក។ ផែនទីនៅលើគេហទំព័ររបស់យើងបង្ហាញពីសភាពផ្លូវដែលត្រូវបានសម្អាតនៅពេលថ្មីៗនេះ៖ www.seattle.gov/StormResponseMap

យើងត្រៀមខ្លួនសម្រាប់ការធ្លាក់ព្រិលពេញមួយឆ្នាំ

នៅរដូវក្ដៅ យើងបណ្ដុះបណ្ដាលបុគ្គលិក ផ្ទៀងផ្ទាត់ខ្នាតឧបករណ៍ និងធ្វើការជាមួយដៃគូទីភ្នាក់ងារមូលដ្ឋាន។ នេះមានន័យថា ក្រុមការងាររបស់យើងត្រៀមខ្លួនជាស្រេច ដើម្បីបំពេញការងារនៅពេលព្យាករណ៍ប្រកាសថាមានខ្យល់ខ្លាំង ភ្លៀង ឬមានធ្លាក់ព្រិលហើយកកខ្លាំង។ ការងាររបស់ពួកគេគឺដើម្បីសម្អាតដើមឈើ និងមែកឈើរលំធ្លាក់លើផ្លូវ រហូតដល់ព្រិល និងទឹកកក ព្រមទាំងជួសជុលស្លាកសញ្ញា និងសញ្ញាផ្សេងៗ។ យើងធានាថា សម្ភារៈរបស់យើង ដូចជាអំបិលនិងថ្នាំរំលាយទឹកកកមានស្តុកទុកសម្រាប់ពេលត្រូវការ។

ស្ពានអាកាស High-rise នៅ Seattle ខាងលិច និងការឆ្លើយតបនឹងកូវីត COVID-19

ផុតពីរដូវរងាទៅ របៀបដែលអ្នកធ្វើដំណើរទៅមក និងចេញចូល Seattle West និង Duwamish Valley បានផ្លាស់ប្ដូរគួរឲ្យកត់សម្គាល់នៅឆ្នាំ 2020។ ក្នុងរយៈពេលពីរទៅបីឆ្នាំខាងមុខនេះទៀត ប្រជាជនដែលធ្វើដំណើរទៅមកពីតំបន់នោះ នឹងបន្តជួបប្រទះការកកើនរាំងស្ទះកាន់តែខ្លាំង។ យើងធានាថា ផ្លូវវាងពីស្ពាន West Seattle គឺមានចុះនៅលើផ្លូវប្រាប់អំពីស្ថានភាពមានព្រិលនិងទឹកកកនាពេលបច្ចុប្បន្ន។ នេះជាវិធីដែលលោកអ្នកអាចជួយប្រជាជននិងទំនិញ អោយមានដំណើរការនៅអំឡុងពេលដ៏លំបាកនេះ៖

  1. ធ្វើផែនការ ហើយរំពឹងថា នឹងមានចរាចរណ៍កាន់តែច្រើននៅលើផ្លូវវាង។
  2. ផ្ដល់ពេលវេលាឲ្យខ្លួនអ្នកឲ្យបានច្រើនសម្រាប់ការធ្វើដំណើរឆ្ពោះទៅគោលដៅរបស់អ្នក។
  3. សាកល្បងរបៀបធ្វើដំណើរបែបថ្មី ដូចជាការដើរ ការជិះកង់ ឬការជិះឡានក្រុង។ បើអាចធ្វើបាន ត្រូវចៀសវាងបើកបរតែម្នាក់ឯង។
  4. អត់ធ្មត់ និងចិត្តទូលាយចំពោះអ្នកធ្វើដំណើរដូចគ្នា ហើយយោគយល់ដល់អ្នកជិតខាងដែលរស់នៅតាមផ្លូវដែលអ្នកកំពុងប្រើ។

យើងក៏បានធានាឲ្យបញ្ចូលទីតាំងពិនិត្យកូវីត COVID-19 ទាំងអស់ នៅក្នុងផែនការអាកាសធាតុរដូវរងាផងដែរ។ ហើយដោយសារមានការថែមទីតាំងកាន់តែច្រើន ហើយបើមានការផ្លាស់ ប្ដូរទីកន្លែង យើងអាចបត់បែន ហើយអាចកែតម្រូវទៅតាមស្ថានភាពនោះបាន!

សូមរួមចំណែកជួយរក្សាចិញ្ចើមផ្លូវអោយបានស្អាត

យើងរស់នៅក្នុងនេះទាំងអស់គ្នា ហើយម្នាក់ៗមានការទទួលខុសត្រូវក្នុងការជួយរក្សាចិញ្ចើមផ្លូវនៅមុខផ្ទះ ឬអាជីវកម្មរបស់ខ្លួនឲ្យបានស្អាតនៅអំឡុងពេលព្យុះព្រិល។ មានចិញ្ចើមផ្លូវជាង 2 400 ម៉ាយល៍នៅទីក្រុង Seattle ហើយក្រុមការងារ SDOT មិនអាចមាននៅគ្រប់ទីកន្លែងក្នុងពេលតែមួយបានទេ។ យើងរំពឹងលើលោកអ្នកអោយរួមចំណែក ដូច្នោះយើងអាចផ្ដោតលើការសម្អាតចិញ្ចើមផ្លូវដែលនៅឆ្ងាយពីអាគារឯកជននានាហើយនិងជួយ ថែរក្សាផ្លូវសំខាន់ៗបំផុតក្នុងទីក្រុងអោយបានស្អាត។. ការសម្អាតចិញ្ចើមផ្លូវនៅមុខផ្ទះ ឬអាជីវកម្មរបស់អ្នកមិនត្រឹមតែជាច្បាប់ប៉ុណ្ណោះទេ តែវាក៏ជារឿងដែលត្រូវធ្វើផងដែរដើម្បីឲ្យប្រជាជនគ្រប់គ្នាអាចធ្វើដំណើរបានដោយសុវត្ថិភាពក្នុងអំឡុងពេលព្យុះព្រិល ជាពិសេសជនពិការភ្នែក ជនមានពិការភាព ឬអ្នកដែលពិបាកធ្វើដំណើរទៅមក។ និយាយជាមួយអ្នកជិតខាងរបស់អ្នកមុនពេលព្យុះមកដល់ ដើម្បីដឹងថាតើនរណានឹងត្រូវការជំនួយនៅក្នុងសហគមន៍របស់អ្នក។ យើងសហការគ្នាដើម្បីជួយគាំទ្រគ្នាទៅវិញទៅមក ហើយបង្កើតផែនការដើម្បីធានាថា ចិញ្ចើមផ្លូវទាំងអស់នៅម្ដុំអ្នករស់នៅត្រូវថែរក្សាបានស្អាត ដូច្នោះអ្នករាល់គ្នាអាចធ្វើដំណើរដោយសុវត្ថិភាព

របៀបរៀបចំ:

  • ស្តុករបស់ទុកមុនពេលព្យុះមកដល់ ។ លោកអ្នកនឹងត្រូវការប៉ែលចូកព្រិលមួយ អំបិលបាចលើផ្លូវមួយបាវ ខោអាវរងារ ភួយសាគួរបន្ថែម ពិល សម្ភារៈសង្គ្រោះបន្ទាន់ ព្រមទាំងចំណី អាហារ ទឹក និងថ្នាំសង្កូវសម្រាប់រយៈពេលបីថ្ងៃសម្រាប់ក្រុមគ្រួសារទាំងអស់គ្នា។
  • មុនពេលវាកក ចូរបាចអំបិលថ្ម (ឬផលិតផលដែលមិនប៉ះពាល់ដល់បរិស្ថានផ្សេងទៀត) ដើម្បីទប់ស្កាត់កុំឲ្យវាកកទាន់។
  • នៅពេលវាចាប់ផ្ដើមធ្លាក់ព្រិល ចូរចូកព្រិលចេញពីចិញ្ចើមផ្លូវរបស់អ្នករៀងរាល់ 12 ម៉ោងម្ដងមុនពេលព្រិលប្រែទៅជាទឹកកក។ ប្រសិនបើលោកអ្នកអាចធ្វើបាន ចូរធ្វើជាអ្នកជិតខាងដ៏ល្អម្នាក់ ហើយជួយសម្អាតប្រព័ន្ធបង្ហូរទឹក និងជម្រាលចិញ្ចើមផ្លូវកាច់ជ្រុងនៅម្ដុំលោកអ្នក ឬជួយដល់អ្នកជិតខាងណាដែលត្រូវការជំនួយ។

ទាញយកកូនសៀវភៅផ្សព្វផ្សាយពីអាកាសធាតុនារដូវរងារបស់យើង!