Cambodian / Khmer/ ខ្មែរ

ធ្វើឱ្យសំឡេងរបស់អ្នកមានសារៈសំខាន់នៅក្នុងការបោះឆ្នោតនៅក្នុងទីក្រុង Seattle

បណ្ណទូទាត់ប្រជាធិបតេយ្យគឺជាមធ្យោបាយមួយសម្រាប់អ្នករស់នៅទីក្រុង Seattle ក្នុងការរួមចំណែកផ្នែកហិរញ្ញវត្ថុដល់បេក្ខជនដែលពួកគេគាំទ្រនៅក្នុងការបោះឆ្នោតនៅទីក្រុង Seattle។ កម្មវិធីនេះត្រូវបានផ្តល់មូលនិធិដោយពន្ធលើអចលនទ្រព្យដែលបានអនុម័តដោយអ្នកបោះឆ្នោត ដោយម្ចាស់អចលនទ្រព្យចំណាយជាមធ្យមប្រហែល $13 ក្នុងមួយឆ្នាំ។

តើបណ្ណទូទាត់ប្រជាធិបតេយ្យជាអ្វី?
ក្រុង Seattle ផ្តល់បណ្ណទូទាត់ប្រជាធិបតេយ្យដល់ប្រជាពលរដ្ឋ ដែលជាវិញ្ញាបនបត្រដែលត្រូវបានប្រើដើម្បីបរិច្ចាគដល់យុទ្ធនាតាមតំបន់។ នៅក្នុងឆ្នាំ 2026 អ្នករស់នៅសង្កាត់ ទី 5 នៅទីក្រុង Seattle នឹងទទួលបានបណ្ណទូទាត់ប្រជាធិបតេយ្យចំនួនពីរដែលមានតម្លៃ $50។

ហេតុអ្វីត្រូវប្រើបណ្ណទូទាត់ប្រជាធិបតេយ្យ?
ការចូលរួមរបស់អ្នកមានឥទ្ធិពល។ កម្មវិធីបណ្ណប្រជាធិបតេយ្យបានជួយបង្កើន និងធ្វើឱ្យ​មានចំនួនអ្នករស់នៅទីក្រុង Seattle គ្រប់ជំពូកដែលអាចបរិច្ចាគក្នុងយុទ្ធនាការ និងឈរឈ្មោះក្នុងតំណែង។ 

តើបេក្ខជនណាខ្លះអាចទទួលបានបណ្ណទូទាត់ប្រជាធិបតេយ្យនេះ?
សម្រាប់ឆ្នាំ 2026 នេះ មានតែបេក្ខជនដែលចូលរួមឈរឈ្មោះសម្រាប់តំណែងទី 5 នៃក្រុមប្រឹក្សាក្រុង Seattle ប៉ុណ្ណោះដែលអាចទទួលយកបណ្ណរបស់អ្នកដើម្បីគាំទ្រយុទ្ធនាការរបស់ពួកគេ។

តើខ្ញុំអាចស្វែងយល់អំពីបេក្ខជនដោយរបៀបណា? 
រកមើលឈ្មោះបេក្ខជនដែលចូលរួម នៅលើ ទំព័ររបស់បេក្ខជនចុះឈ្មោះចូលរួម។ សូមអាន ការណែនាំអំពីបេក្ខជន របស់ពួកគេ ដើម្បីស្វែងយល់បន្ថែមអំពីបេក្ខជន។

តើ​ការ​បោះ​ឆ្នោត​នៅទីក្រុង Seattle លើក​ក្រោយ​នឹងកើតឡើងនៅ​ពេល​ណា?
ការបោះឆ្នោតបន្ទាប់មកទៀតនៅទីក្រុង Seattle គឺនៅឆ្នាំ 2026។ បណ្ណទូទាត់​ប្រជាធិបតេយ្យ​អាច​​ប្រើបាន​ចាប់​ពី​ពេល​ដែល​អ្នក​ទទួល​វា​រហូត​ដល់​ថ្ងៃ​ទី 30 ខែ​វិច្ឆិកា ឆ្នាំ 2026។

អ្នកអាចទទួលបានបណ្ណទូទាត់ប្រជាធិបតេយ្យ ប្រសិនបើអ្នក៖

• ជាអ្នករស់នៅក្នុងទីក្រុង Seattle
• មានអាយុយ៉ាងតិច 18 ឆ្នាំ ហើយជា
• សញ្ជាតិអាមេរិក ពលរដ្ឋអាមេរិក ឬជាអ្នករស់នៅអចិន្ត្រៃយ៍ស្របច្បាប់។

អ្នកមិនចាំបាច់ជាអ្នកចុះឈ្មោះបោះឆ្នោត ដើម្បីទទួលបានបណ្ណទូទាត់ប្រជាធិបតេយ្យនោះទេ។ ប្រសិនបើអ្នកបំពេញតាមលក្ខណៈវិនិច្ឆ័យដែលបានរាយខាងលើ អ្នកអាចដាក់ពាក្យស្នើសុំបណ្ណនោះបាន។

ប្រសិនបើអ្នកមានចម្ងល់ផ្សេងៗ សូមទូរសព្ទមកលេខ (206) 727-8855 ។ មានសេវាបកប្រែភាសាផ្ទាល់មាត់ឥតគិតថ្លៃ។