Barnaamijka Horumarinta Kiraystaha

La cusbooneysiiyay 4/28/2025

Waxaan ku faraxsanahay inaan bixino laba nooc oo xirmo abaal-marin ah kaas oo ah Barnaamijkayaga Hagaajinta Kiraystaha 2025 si aan u taageerno ganacsiyada yaryar ee Seattle. Hadafkayagu waa inaanu ka caawino ganacsiyada inay yareeyaan caqabadaha maaliyadeed ee la xidhiidha tabeelaha iyo qalabka. Xirmooyinka abaalmarinta tabeelaha iyo qalabku waxay dabooli doonaan kharashka beddelka alaabta muhiimka ah ama cusboonaysiinta qalabka si ay uga caawiyaan ganacsiyada ballaarinta adeegyadooda iyo kor u qaadida dakhliga.

Fadlan dib u eeg shuruudaha u-qalmitaanka oo dhan iyo faahfaahinta hoose ka hor inta aanad codsan xirmada abaal-marinta calaamada ama qalabka.

Kulamada macluumaadka

Waxaa jiri doona kulamo macluumaad ah oo lagu sharxi doono fursadan deeq-lacageedka loogana jawaabo su'aalaha. Kulamada fogaanta ah ee soo socda ayaa lagu qaban doonaa Webex waana la duubi doonaa:

Talaado, Abriil 29, 10 - 11:30 subaxnimo: isku-xiraha diiwaangelinta.
Talaado, Meey 13, 6 - 7:30 galabnimo: isku-xiraha diiwaangelinta.

Codsiyada waxaa la iska raba Talaadada, May 27, 2025, 5 galabnimo.

Ku bood qayb

Shuruudaha U-qalmitaanka

Ganacsigaagu wuxuu u qalmaa taageero haddii aad ka soo baxdo dhamaan shuruudahan:

Waa in uu yahay faaiido-doon, ganacsi si madax-bannaan loo leeyahay (aan ka tirsanayn ganacsiyo badan ama silsilad).
Wuxu u leeyahay faa'iido bulshada aad muujin karto (tusaale, shaqo abuur, taageero xaflado, ama cunto ku deeqid).
Wa inuu shaqaynayay ugu yaraan laba sano.
Wa inuu leedahay ugu yaraan saddex sano oo khibrad ganacsi ama sanco ah.
Wa inuu leeyahay shatiga ganacsiga Magaalada Seattle oo shaqaynaya.
Waa inaad xareysay canshuurta Magaalada ee Ganacsiga iyo Shaqada.
Waxaad si buuxda u bixisay dhamaan canshuuraha ama waxaad ku bixin doontaa laba bilood gudahood marka laguu doorto abaalmarinta.

Ganacsigaagu waa inuu sidoo kale buuxiyaa shuruudaha soo socda ee goobta iyo cabbirka:

Meheraddaadu waa inay ku taal gudaha xadka magaalada Seattle.
Waa in aad ku shaqeysaa laba (2) goobood ama ka yar.
Meheraddaadu waa in ay shaqaalaysiisa wax ka yar 50 shaqaale ah oo wakhti buuxa ah.
Ganacsigaagu waa in uu leeyahay dakhli guud oo sanadle ah oo ka hooseeya $2 milyan.

Meheradaha AAN u qalmin inay codsadaan Barnaamijka Horumarinta Kiraystaha waxaa ka mid ah:

Meheradaha ku yaal Degmada King ee aan la wadaagin (unincorporated)
"Madadaalada dadka waaweyn" ganacsiyada lagu maamulo sharciga degmada Seattle 6.270
Ururada aan faa'iido doonka ahayn, 501 (c) (3), 501 (c) (6), ama 501 (c) (19)

Xirmada Tabeelaha

Xidhmada Tabeelaha (abaalmarin lacag caddaan ah oo ilaa $15,000 ah)

Abaalmarintan lacageed waxay ka caawin kartaa ganacsi jira iibsashada calaamado cusub oo dibadda ah.

Abaalmarintan waa in loo adeegsadaa calaamadaynta dibada ee ganacsigaaga.
Abaalmarintani ma daboosho rakibaadda Tabeelaha.
Ganacsiyadu waa inay cadeeyaan awoodda ay ku bixin karaan shaqada iyo rakibidda.
Codsaduhu waa inuu buuxiyaa dhammaan sharciyada ku saabsan u-qalmitaanka, goobta, iyo cabbirka ganacsiga si loogu tixgeliyo abaalmarintan.
Ganacsigu waa inuu awood u leeyahay inuu bilaabo rakibaadda saddex (3) bilood gudahood marka la saxiixo qandaraaska abaalmarinta.

Xidhmada Qalabka

Xidhmada Qalabka (abaalmarin lacag caddaan ah oo ilaa $50,000 ah)

Abaalmarintan lacageed waxay ka caawin kartaa ganacsiga jira iibsashada qalabka.

Qalabka waa in laga soo iibsadaa Ganacsi alaab-qeybiye ah.
Codsaduhu waa inuu buuxiyaa dhammaan sharciyada ku saabsan u-qalmitaanka, goobta, iyo cabbirka ganacsiga si loogu tixgeliyo abaalmarintan.
Ganacsigu waa inuu awood u leeyahay inuu bilaabo rakibaadda saddex (3) bilood gudahood marka la saxiixo qandaraaska abaalmarinta.

Habka Codsiga

Codsiyada waxaa la iska raba ugu dambeyn Talaado, May 27, 2025, 5 galabnimo.

Codsigaaga ku soo dir barta Khadka. Codsiyada la soo diro ka dib wakhtiga kama dambaysta ah lama aqbali doono.

Taariikhaha muhiimka ah

Isniin, Abriil 28, 2025: Codsiyada Barnaamijka Horumarinta Kiraystaha ayaa furmaya.
Talaado, May 27, 2025: Codsiga Barnaamijka Horomarinta Kiraystahu wuxuu xidhmayaa 5 galabnimo.
Luulyo 2025: Codsadayaasha la doortay ayaa ogeysiin doonaa waxaana laga yaabaa inay u baahdaan inay bixiyaan macluumaad dheeraad ah.

Taageerada luuqadaha kale ayaa diyaar ah

Shaqaalaha laba-luqadlaha ah ayaa ka jawaabi kara su'aalaha oo waxay ka caawin karaan codsadayaasha inay ku buuxiyaan codsiyadooda luqadaha soo socda: Amxaari, Shiinees, Kuuriyaan, Soomaali, Isbaanish, Thai, iyo Fiyatnaamiis.

Si aad u codsato adeegyada turjumaada, wac (206) 684-8090 oo ku dhaaf macluumaadka soo socda fariin cod ah:

Magaca
Lambarka taleefanka
Luuqada la door bidayo
Nooca taageerada helitaanka luqadda looga baahan yahay (turjumaadda foomka, turjumaadda telefoonka, iwm.)

Caawinta shakhsi ahaanta ah ee buuxinta Barnaamijka Horumarinta Kiraystaha 2025 ee luuqadaada, fadlan la xidhiidh shurakadayada ku sugan Lake City Collective.

Xarunta Guud ee Lake City Collective: 13525 32nd Ave NE, Seattle, WA 98125
Isniinta, Arbacada iyo Jimcaha laga bilaabo 8 subaxnimo ilaa 1 p.m, ama ballan. Fadlan wac (206) 701-1470.

Shuruudaha xulashada iyo habka dib u eegista

Xafiiskayaga, oo ay weheliyaan la-hawlgalayaashayada ee Grow America ayaa dib u eegi doona oo qiimeyn doona codsiyada ku salaysan sida ay u saameeyaan bulshada, u diyaarsanaanta mashruuca, iyo suurtogalnimada dhamaystirka mashruuca.

Waxaan darajo siina codsiyada mudnaanta abaalmarintana waxan siina arrimahan:

Sinnaanta: Waxaan mudnaanta siin doonaa mashaariicda u adeegaya xaafadaha khatarta sare ugu jira barakicinta iyo/ama mashaariicda taageera ganacsiyada ay leeyihiin dadka madow, Asaliga, Dadka Midabka leh, ama haweenka.
Firfircoonaanta: Waxaan eegi doonaa sida ganacsigu u xoogan yahay oo u waari karo anagoo eegayna iibka guud, dakhliga, iyo khibrada milkiilaha ganacsiga.
Diyaargarowga Mashruuca: Waxaan hubin doonaa in mashruucu diyaar yahay annagoo dib u eegis ku samaynayna Goobta uu ku yaal, faahfaahinta mashruuca, miisaaniyada, iyo ballanqaadka ilaha kale ee maalgelinta.
Saameeynta: Waxaan tixgelin doonaa mashaariicda ama milkiilayaasha ganacsiga ee faa'iidooyinka u leh bulshada oo sameeya isbeddel togan.

Kuwa kusoo hara xulashada waxaa lagu qiimayn doonaa in uu shaqayn karo ganacsigooda oo ay ku jirto booqashada goobta iyo waraysiga loo baahan yahay si loo go'aamiyo suurtogalnimada iyo baahida dhaqaale ee mashruuc kasta. Ka dib marka la dhameeyo tallaabooyinkan, abaal-marinnada ayaa lagu dhawaaqi doonaa.

Ka dib markii mashaariicda la abaalmariyo taageerada, ganacsiyadu waa inay bixiyaan waxyaabaha soo socda si ay u noqdaan kuwo u qalma maalgelinta:

Heshiis ijaar ah oo uu saxeexay mulkiilaha oo ay ka hadheen shan (5) sano ama wax u dhigma sida: hishiis kiro oo saddex (3) sano ka hartay oo haysta laba sano oo dammaanad kordhin ah.
Waa inaad bilowda rakibidda saddex (3) bilood gudahooda kadib markaad saxiixdo qandaraaska abaalmarinta.

Qalabka Codsiga

Fadlan dib u eeg agabyada soo socda si aad u diyaarisid ka hor intaadan gudbin codsigaga.

Macluumaadka loo baahan yahay

Dukumeentiga soo socda waa in la socdaan codsigaaga:

Lambarka Aqoonsiga Ganacsiga Midaysan (UBI)
- Ganacsiyadu waxay helayaan lambar 9-god ah oo UBI ah marka ay codsadaan shatiga Ganacsiga ee Gobolka Washington. Tan waxaa laga dalban karaa Waaxda Dakhliga onlayn ama boostada.
- Waxaad sidoo kale ka raadin kartaa lambarka UBI ee jira onlayn.
Lambarka shatiga ganacsiga magaalada
- Qof kasta oo ka ganacsanaya Seattle waa inuu haystaa 6-god oo shahaado ah oo shatiga ganacsiga Seattle ah (sidoo kale loo yaqaan lambarka shatiga ganacsiga magaalada), lambarka macmiilka magaalada, ama shatiga ganacsiga guud. Milkiilayaasha meheraddu waa inay cusboonaysiiyaan shahaadadan sannad kasta markay tahay 31 -ka Diseembar.
- Lambarka Shatiga Ganacsiga Magaaladu wuu ka duwan yahay kan Shatiga ganacsiga gobolka Washington. Haddii aadan ka heli karin lambarkaaga Shatiga Ganacsiga Magaalada isticmaal qalabka raadinta goobaha ganacsiga, waxa laga yaabaa inaad haysato shatiga gobolka Washington oo keliya.
- Ganacsiyadu waxay codsan karaan shatiga ganacsiga magaalada waxayna ku cusboonaysiin karaan Online ama boostada.
Xareynta canshuurta ganacsiga iyo shaqada
- Ganacsiyada yaryar ee xiisaynaya inay codsadaan Barnaamijka Horumarinta Kiraystaha waxay u baahan doonaan inay u hoggaansamaan shatiga Ganacsiga Magaalada iyo shuruudaha cashuurta ganacsiga iyo shaqada si ay xaq ugu yeeshaan maalgalintaan.
  - Ganacsi kastaa waa inuu xareeya oo uu soo wargeliyaa magaalada xitaa haddii aanay wax dhaqdhaqaaq ahi jirin ama aan wax cashuur ah lagu lahayn. Canshuurta ganacsiga Seattle la mid ma aha canshuurta ganacsiga ee gobolka Washington. Ganacsiyadu waa inay si gooni gooni ah u xareeyaan cashuuraha Seattle iyo cashuuraha gobolka. Ganacsatadu waxay ka xarayn karaan kuna soo sheegi karaan onlayn ama boostada. Su'aalaha dheeraadka ah ee ku saabsan canshuurahan, ganacsiyadu waxay kala xiriiri karaan Seattle Finance tax@seattle.gov.
  - Ganacsatada laguma laha canshuurta Ganacsiga iyo Shaqada (B&O) haddii dakhligooda guud ee canshuuraha ee sanadlaha ahi uu ka yar yahay $ 100,000, laakiin ganacsatadu wali waxay u baahan yihiin inay fayl gareeyaan.

Macluumaadka canshuurta federaalka ee 2023 iyo 2024
- Haddii aadan buuxin cashuurahaaga 2024, fadlan soo gudbi qoraal maaliyadeed oo gudaha ah.
Heshiis kiro oo la saxiixay oo shan (5) sano ka hartay ama ikhtiyaar u dhigma oo lagu cusboonaysiin karo.
Bayaanka kharashka ee alaab-qeybiyeyaasha/ iibiyayaasha calaamadaha.
Kharashaadka miisaaniyada oo faahfaahsan.
Bayaan qeexaya faa'iidada guud ee bulshada si ay u buuxiyaan shuruudaha qadarka abaalmarinta. Tan waxaa ku jiri kara shaqooyin la abuuray, xafladaha bulshada oo la taageeray, ama cunto lagu deeqay tusaale ahaan.

Shuruudaha Maalgelinta

Deeqaha Barnaamijka Hagaajinta Kiraystaha waxaa lagu bixiyaa deyn la cafiyi karo oo leh dulsaar 0% ah. Amaahdu waxay isu rogi doontaa deeq ka dib marka ganacsigu sii wado shaqada hal (1) sano oo la bixiyo codsiga kharashka u dambeeya iyo marka ay buuxiyaan shuruudaha faa'iidada dadweynaha.
Abaalmarinta Barnaamijka Hagaajinta Kiraystahu ma bixin doonto kharashka mashruuca oo dhan. Abaalmarinta ganacsiga yar yar waxaa loogu tala galay inuu daboolo calaamadaha iyo qiimaha rakibaadda qalabka ee mashruucooda.
Waa in la saxiixo heshiiska abaalmarinta laba bilood gudahooda ka dib ku dhawaaqista abaal-marinta abaal-marintana waa in si buuxda loo kharash gareeyaa 12 bilood ka dib marka heshiiska la saxiixo.

Su'aalaha Inta Badan La Isweydiiyo

Maxaa dhacaya haddii aan leeyahay meherado ama goobo badan?

Haddii aad leedahay meherado badan ama aadan lahayn wax ka badan laba (2) goobood, waxaad kaliya u codsan kartaa hal (1) abaal-marin maalgelineed hal ganacsi ama goob.

Ganacsiga cuntada ee guurguura ma lagu tiriyaa hal goob?

Lahaanshaha ganacsiyada gaadhi-gacmeedka, marka lagu daro haysashada hal leben iyo goob Gaari yaalo, kama soo bixi karto shuruudaha aan ka badnayn laba (2) goobood maadaama aysan ahayn goob ganacsi oo la kireeyay.

Maxaan ku daraa codsigayga deeq-lacageedka?

Ku dar liiska qalabka ganacsiga oo dhan ee buuxiya shuruudaha codsiga, ilaa ugu badnaan $50,000. Ma awoodi doono inaan ku darno miisaaniyad doorashada ka dib, markaa fadlan tartiibtaada, ogow qiimaha dhabta ah, oo codso dhamaan waxaad runtii ugu baahan tahay ganacsigaaga.

Maxaan u isticmaali karaa maalgelinta?

Waxaad u isticmaali kartaa maalgelintaada si aad uga so iibsato qalab ganacsi ganacsade idman ama farsameeye calaamadaha dibadda ee ganacsigaaga.

Ma soo gudbin karaa qiyaastayda inta uu le'eg yahay kharashka qalabkaygu?

Maya. Waxaa lagaa rabaa inaad ka hesho alaab-qeybiyeyaasha/calaamadaha si aad ugu soo gudbiso codsigooda.

Abaalmarinta Horumarinta Kiraystuhu ma maalgelin kartaa ganacsi guri ku salaysan oo ku yaal gurigayga?

Maya. Maalgelinta magaalada waxa kaliya oo la siin karaa meheradaha ku yaal gudaha dhismo ganacsi.

Imisa xidhmo oo abaal-marin ah ayaan hal mar dalban karaa?

Waxa kaliya oo aad codsan kartaa hal (1) abaal-marin hal mar inta lagu guda jiro wareeg kasta oo codsi ah. Waxaad sidoo kale codsan kartaa abaalmarin kale inta lagu jiro codsiga soo socda.

Waa maxay shuruudaha abaalmarinta lacagta caddaanka ah ee aan u baahanahay inaan ka warqabo?

Dhamaan xirmooyinka abaal-marin lacageedka caddaanka ah waxaa lagu bixiyaa deyn ahaan leh dulsaar ah 0%. Amaahdaan waa kuwo la cafin karo mana aha in dib loo bixiyo haddii shuruudaha heshiiska la buuxiyo. Waxa lagu maalgeliyaa Cashuurta Kharashka Mushaarka, taas oo ah nooc cashuur ah oo ay ganacsiyadu ku bixiyaan mushaharka shaqaalaha. Ilahan dhaqaale ayaa leh xeerar u baahan in la raaco si loo cafiyo. Mid ka mid ah shuruudaha waa "mushaarka joogtada ah" oo macnaheedu yahay shaqaalaha waa in la siiyaa mushahar caddaalad ah oo heer ah halka ay ka shaqeeyaan. Waa inay sidoo kale u leeyihiin "faa'iido dadweynaha," taasoo macnaheedu yahay mashruucu wuxuu u baahan yahay inuu saameyn togan u keeno bulshada. Shaqaalaheenu waxay kaa caawin doonaan samaynta qorshe aad ku buuxinayso shuruudahan.

Waa maxay wakhtiga loogu talagalay nidaamka xulashada Barnaamijka Hagaajinta Kiraystaha?

Waxaan haysan doonaa wareeg codsi 2025. Ka dib markii afarta toddobaad ee arjigu dhamaato, annagoo la kaashanayna la-hawlgalayaasheenna, waxaan bilaabi doonaa dib u eegista codsiyada iyo doorashada codsiyada guulaystay. Waxaan rajeyneynaa inaan ogeysiino codsadayaasha xaaladdooda laga bilaabo Luulyo 2025.

Macluumaadkee ayaan u baahanahay si aan u codsado?

Ka eeg bogga ugu muhiimsan macluumaadka xirmada oo faahfaahsan.

Sideen uga jawaabaa codsiyada sheekada su'aalaha?

Fadlan ku dar faahfaahinta ugu badan ee suurtogalka ah. Tani waa fursad aad ku sheegi karto sheekadaada ganacsade ahaan iyo sida aad u taageerto xaafadda kugu xeeran. Fadlan si gaar ah u sheeg oo noo sheeg waxa aad horay ugu qabatay deriskaaga, ee ha sheegin waxa aad qorshaynayso inaad samayso. Tusaalooyinka waxaa ka mid ah bixinta adeegyo qiimaha laga yareeyo, qiimo dhimis sare, ama ka qaybqaadashada ururka ganacsiga maxalliga ah. Waxaa laga yaabaa inaad booskaaga ku siiso lacag la'aan ama qiimo dhimis kooxaha bulshada, ama si ula kac ah aad shaqaaleysiiso dhalinyarada xaafaddaada. Kuwani waa tusaalooyin waaweyn oo ah nooca macluumaadka lagu daro.

Maxaa dhacaya haddii aan u baahdo caawimaad codsiga?

Su'aalaha guud ee ku saabsan codsiga, fadlan iimayl u dir oed_tiprogram@seattle.gov ama naga soo wac (206) 684-8090.

Su'aalaha guud ee ku saabsan codsiga, fadlan iimayl u dir oed_tiprogram@seattle.gov ama wac (206) 684-8090.

Xafiiskayagu waxa uu u heelan yahay in uu abuuro dhaqaale la heli karo oo loo wada dhan yahay oo u shaqeeya qof kasta oo Seattle ku nool iyada oo hubinaysa in dhamaan bulshooyinka ay helaan fursado dhaqaale.

Magaalada Seattle waxay ku dhiirigelinaysaa qof walba inuu ka qaybqaato barnaamijyadeeda iyo waxqabadyadeeda. Haddii aad u baahan tahay caawimo, tarjumaad, taageero naafo, ama macluumaad qaab kale lagu soo bandhigo, kala xiriir xafiiskayaga (206) 684-8090 ama iimeel-garee OED@seattle.gov.