[Tenant Improvement Program] Programa sa Pagpapabuti ng Nangungupahan

Na-update noong 2/17/2026

Nasasabik kaming makapag-alok ng dalawang uri ng mga bungkos ng gantimpala sa pamamagitan ng aming 2026 Tenant Improvement Program upang suportahan ang mga maliliit na negosyo sa Seattle. Ang aming layunin ay tulungan ang mga negosyo na mabawasan ang mga pagsubok sa pananalapi na nauugnay sa mga karatula at kagamitan. Sasaklawin ng mga pakete ng gawad na pangkaratula at kagamitan ang gastos sa pagpapalit ng mga mahahalagang gamit o pagpapabago ng kagamitan upang matulungan ang mga negosyo na palawakin ang kanilang mga serbisyo at madagdagan ang kita.

Mangyaring suriin ang buong mga kakailanganin sa pagiging karapat-dapatat mga detalye sa ibaba bago mag-aplay para sa isang pakete ng gawad na pangkaratula o kagamitan.

Sesyon ng impormasyon

Magkakaroon ng mga sesyon ng impormasyon upang ilarawan ang pagkakataong ito sa pagpopondo at sagutin ang mga katanungan. Ang mga sumusunod na birtwal na sesyon ay gagawin at itatala sa Webex:

Martes, Pebrero 24, 10 – 11:30 am.: Link sa pagpaparehistro .

Malapit nang mabuksan ang mga aplikasyon.

Pumunta sa isang seksyon

Mga kakailanganin sa pagiging kwalipikado

Kwalipikado ang inyong negosyo para sa suporta kung natutugunan ninyo ang lahat ng mga kakailanganin:

Ito ay isang para sa kumikita, independiyenteng pagmamay-ari ng negosyo (hindi isang prankisya o chain).
Nagbibigay ito ng benepisyo sa komunidad na maaari ninyong ipakita (hal., paglikha ng mga trabaho, pagsuporta sa mga kaganapan, o pag-abuloy ng pagkain).
Ito ay tumatakbo nang hindi bababa sa dalawang taon.
Mayroon kayong hindi bababa sa tatlong taon na karanasan sa negosyo o industriya.
Ang inyong negosyo ay mayroong isang aktibong Lisensya ng Negosyo sa Lungsod ng Seattle.
Kayo'y naghain na ng mga buwis sa Negosyo at Trabaho sa Lungsod.
Binayaran na ninyo nang buo ang lahat ng buwis o gagawin ito sa loob ng dalawang buwan mula nang kayo'y napili para sa gantimpala.

Dapat ding matugunan ng inyong negosyo ang mga sumusunod na kakailanganin sa lokasyon at laki:

Ang inyong negosyo ay matatagpuan sa loob ng mga hangganan ng lungsod ng Seattle.
Nagpapatakbo kayo ng dalawa (2) o mas kaunti na mga lokasyon.
Ang inyong negosyo ay may empleyo na hindi aabot sa katumbas ng 50 na full-time.
Ang inyong negosyo ay may taunang pangkalahatang kita na mas mababa sa $2 milyon.

Ang mga negosyong HINDI karapat-dapat na mag-aplay para sa Programa sa Pagpapabuti ng Nangungupahan ay kinabibilangan ng:

Mga negosyong matatagpuan sa unincorporated King County
Mga "Adult entertainment" na negosyo na kinokontrol sa ilalim ng Seattle Municipal Code 6.270
501 (c) (3), 501 (c) (6) o 501 (c) (19) na mga entidad na nonprofit (hindi pangkalakal)

Paketeng pangkaratula

Mga paketeng pangkaratula (gantimpala na pera hanggang $15,000)

Itong gantimpala na pera ay maaaring makatulong sa isang umiiral na negosyo sa pagbili ng mga bagong panlabas na karatula.

Ang gantimpalang ito ay dapat gamitin sa panlabas na karatula para sa inyong komersyal na negosyo.
Hindi saklaw ng gantimpalang ito ang paglalagay ng karatula.
Dapat patunayan ng mga nagwagi ang kakayahang magbayad sa paggawa at paglalagay.
Dapat matugunan ng aplikante ang lahat ng mga patakaran tungkol sa pagiging karapat-dapat, lokasyon, at laki ng negosyo upang mabigyan konsiderasyon para sa gantimpalang ito.
Ang negosyo ay dapat na makapagsimula sa paglalagay sa loob ng tatlong (3) buwan mula sa pagpirma ng kontrata ng paggantimpala.

Pakete ng kagamitan

Pakete ng kagamitan (gawad na pera hanggang $50,000)

Itong perang gantimpalang ay makakatulong sa isang umiiral na negosyo sa pagbili ng mga kagamitan.

Ang kagamitan ay dapat na bilhin mula sa isang komersyal na tagapagtustos ng kagamitan.
Dapat matugunan ng aplikante ang lahat ng mga patakaran tungkol sa pagiging karapat-dapat, lokasyon, at laki ng negosyo upang mabigyan konsiderasyon para sa gantimpalang ito.
Ang negosyo ay dapat na makapagsimula sa paglalagay sa loob ng tatlong (3) buwan mula sa pagpirma ng kontrata ng paggantimpala.

Proseso ng aplikasyon

Ang huling araw ng pagsumite ng mga aplikasyon ay sa Lunes, Abril 13, 2026, alas-5 ng hapon.

Ipadala ang inyong mga aplikasyon sa pamamagitan ng online portal. Ang mga aplikasyon na ipinadala pagkatapos ng takdang panahon ay hindi bibigyan ng konsiderasyon.

Mga mahahalagang petsa

Lunes, Marso 2, 2026: Magbubukas na ang portal ng aplikasyon para sa mga aplikasyon para sa Tenant Improvement Program.
Lunes, Abril 13, 2026: Magsasara ang aplikasyon para sa Tenant Improvement Program sa ganap na ika-5 ng hapon.
Hunyo 2026: Aabisuhan ang mga napipiling aplikante at maaaring kailanganing magbigay ng karagdagang impormasyon.

May magagamit na suporta sa iba pang mga wika

Maaring sagutin ng mga tauhan na bilingwal ang mga katanungan at tulungan ang mga aplikante na makumpleto ang kanilang mga aplikasyon sa mga sumusunod na wika: Amharic, Intsik, Koreano, Somali, Espanyol, Thai, at Vietnamese.

Para humiling ng mga serbisyo sa pagsasalin o interpretasyon, tumawag sa (206) 684-8090 at iwanan ang sumusunod na impormasyon sa isang voicemail:

Pangalan
Numero ng telepono
Nais na wika
Ang uri ng suporta sa pag-access sa wika na kailangan (pagsasalin ng dokumento, pagsasalin sa telepono, atbp.)

Para sa personal na tulong sa pagkumpleto ng aplikasyon sa 2026 Tenant Improvement Program sa inyong wika, mangyaring makipag-ugnay sa aming mga kasosyo sa Lake City Collective.

Lake City Collective Center: 13525 32nd Ave NE, Seattle, WA 98125
Lunes, Miyerkules at Biyernes mula 8 a.m. hanggang 1 p.m., o sa pamamagitan ng paghiling ng oras para makipagkita. Mangyari lamang na tumawag sa (206) 701-1470.

Mga pamantayan sa pagpili at proseso ng pagsusuri

Ang aming opisina, kasama ang aming mga kasosyo sa Grow America ang magsusuri at magbibigay ng puntos sa mga aplikasyon batay sa kung paano nila maaapektuhan ang komunidad, pagiging handa ng proyekto, at malamang na pagkumpleto ng proyekto.

Aming binibigyan ng puntos ang mga aplikasyon at binibigyan ng prayoridad ang mga gantimpala batay sa mga kadahilanang ito:

Pagkakapantay-pantay: Uunahin namin ang mga proyekto na nagsisilbi sa mga kapitbahayan na may mataas na panganib sa pagkawalan ng tirahan at / o mga proyekto na sumusuporta sa mga negosyo na pag-aari ng mga Itim, Katutubo, Mga Taong May Kulay, o kababaihan.
Kakayahang mabuhay: Aming susuriin kung gaano kalakas at napapanatili ang negosyo sa pamamagitan ng pagtingin sa pangkalahatang benta, kita, at ang karanasan ng nagmamay-ari ng negosyo.
Pagiging handa ng Proyekto: Aming susuriin kung handa na ang proyekto sa pamamagitan ng pagsusuri sa pisikal na espasyo, mga detalye ng proyekto, badyet, at pangako mula sa iba pang mga pagkukunan ng pondo.
Epekto: Bibigyan namin ng konsiderasyon ang mga proyekto o mga may-ari ng negosyo na nagbibigay ng mga benepisyo sa komunidad at gumagawa ng positibong pagkakaiba.

Ang mga napili ay susuriin para sa kakayahang mabuhay ng kanilang negosyo kabilang ang kakailanganing pagbisita sa lugar at panayam upang matukoy ang kakayahang gawin at pinansiyal na pangangailangan ng bawat proyekto. Matapos makumpleto ang mga hakbang na ito, ipapahayag ang mga gantimpala.

Matapos mabigyan ng suporta ang mga proyekto, dapat ibigay ng mga negosyo ang mga sumusunod upang manatiling karapat-dapat para sa pagpopondo:

Isang pinirmahang kontrata ng pag-upa mula sa may-ari ng lugar na may limang (5) taon pang natitira o katumbas nito tulad ng: tatlong (3) taong natitira sa kontrata ng pag-upa na may dalawang taon o higit pang garantisadong palugit.
Simulan ang pagtatayo sa loob ng tatlong (3) buwan mula sa pagpirma ng kontrata ng paggantimpala.

Mga materyales sa aplikasyon

Mangyaring suriin ang mga sumusunod na materyales upang makapaghanda bago isumite ang inyong aplikasyon.

Kakailanganing mga Impormasyon

Ang sumusunod na dokumentasyon ay kinakailangang isumite kasama ang inyong aplikasyon:

Ang numero ng Unified Business Identifier
- Ang mga negosyo ay may natatanggap na 9-digit na UBI number kapag nag-apply sila para sa kanilang Washington State Business License. Maaari itong gawin sa pamamagitan ng Department of Revenue online o sa pamamagitan ng koreo.
- Maaari rin ninyong hanapin ang isang kasalukuyang numero ng UBI online.
City Business License (Numero ng Lisensya ng Negosyo sa Lungsod)
- Ang sinumang nagnenegosyo sa Seattle ay dapat mayroong 6-digit na Seattle Business License tax certificate (kilala rin bilang City Business License number), City Customer number, o general business license. Kailangang gawing panibago ng mga may-ari ng negosyo ang sertipikasyong ito bawat taon bago ang Disyembre 31.
- Ang City Business License number na ito ay hiwalay sa business license ng estado ng Washington. Kung hindi ninyo mahanap ang inyong numero gamit ang City Business License Find a Business search tool , maaaring mayroon lamang kayong lisensya ng estado ng Washington.
- Ang mga negosyo ay maaaring mag-apply para sa City Business License at magpanibago online o sa pamamagitan ng koreo.
Paghahain ng buwis sa Negosyo at Trabaho
- Ang mga maliliit na negosyo na interesado na mag-aplay para sa Programa ng Pagpapabuti ng Nangungupahan ay kailangang sumunod sa mga kakailanganin sa buwis ng City Business License at Business at Occupation upang maging karapat-dapat para sa pondong ito.
  - Ang bawat negosyo ay dapat maghain at mag-ulat sa Lungsod kahit na walang aktibidad o wala kayong anumang buwis. Ang buwis sa negosyo sa Seattle ay hindi magkatulad sa buwis sa negosyo sa estado ng Washington. Ang mga negosyo ay kailangang maghain ng mga buwis sa Seattle na hiwalay sa mga buwis sa estado. Ang mga negosyo ay maaaring maghain at mag-ulat online o sa pamamagitan ng koreo. Para sa karagdagang mga katanungan tungkol sa mga buwis na ito, ang mga negosyo ay maaaring makipag-ugnay sa Seattle Finance sa tax@seattle.gov.
  - Ang mga negosyo ay hindi nagkakautang ng pangkalahatang buwis sa Negosyo at Okupasyon kung ang kanilang taunang nabubuwisang kabuuang kita ay mas mababa sa $100,000, ngunit kailangan pa ring mag-file ang mga negosyo.

Impormasyon sa pederal na buwis para sa 2024 at 2025
- Kung hindi pa ninyo nakukumpleto ang inyong mga buwis para sa 2025, mangyaring magsumite ng isang panloobang pinansyal na pahayag.
Nilagdaang kontrata ng pag-uupa na may tatlong (3) taon pang natitira o katumbas na mga opsyon para sa pagpapanibago.
Komersyal na mga pagtantya ng presyo mula sa mga pinagbibilihan ng kagamitan/karatula.
Detalyadong itemized na badyet sa paggastos ng inyong iminungkahing halaga ng gawad ayon sa pangangailangan.
Pahayag na naglalarawan ng pampublikong benepisyosa komunidad para maabot ang halaga ng kanilang gawad. Maaaring kabilang dito ang mga trabaho na malilikha, mga kaganapang susuportahan sa komunidad, o mga donasyong pagkain bilang halimbawa.

Mga tuntunin sa pagpopondo

Ang mga kaloob sa Tenant Improvement Program (Programa sa Pagpapabuti ng Nangungupahan) ay ibinibigay bilang isang mapapatawad na pautang na may 0% na interes. Ang pautang ay magiging isang kaloob pagkatapos magpatuloy ang operasyon ng negosyo nang isang (1) taon mula sa pagbabayad ng huling pag-draw na kahilingan at kapag natugunan nila ang kanilang kakailanganin sa pampublikong benepisyo.
Hindi sasagutin ng gawad ng Tenant Improvement Program ang buong gastos ng proyekto. Kailangang sagutin ng maliit na negosyong nagwagi ang gastos sa paglalagay ng karatula at kagamitan ng kanilang proyekto.
Ang mga gawad ay dapat may kontrata sa loob ng dalawang buwan mula sa pag-anunsyo ng gawad at ang gawad ay dapat na ganap na magastos sa loob ng anim (6) na buwan pagkatapos mapirmahan ang kontrata.

Mga madalas itanong

Paano kung marami akong mga negosyo o lokasyon?

Kung kayo'y nagmamay-ari ng maraming negosyo o wala kayong higit sa dalawang (2) lokasyon, maaari lamang kayong mag-aplay para sa isang (1) gawad na pagbibigay ng pondo para sa isang negosyo o lokasyon.

Ang isang mobile na negosyo sa pagkain/cart ay binibilang ba na isang lokasyon?

Ang pagkakaroon ng mga negosyo sa cart/mobile, bilang karagdagan sa pagkakaroon ng isang lokasyon na brick at mortar, ay hindi bibilangin sa kondisyong hindi hihigit sa dalawang (2) lokasyon dahil hindi ito isang inuupahang komersyal na espasyo.

Ano ang dapat kong isama sa aking kahilingan sa pagpopondo?

Isama ang buong listahan ng mga kagamitang pangkomersyo (nakalista ayon sa prayoridad ng pangangailangan) na nakakatugon sa pamantayan ng aplikasyon, hanggang sa pinakamataas na kahilingan na $50,000. Hindi namin magagawang magdagdag sa inyong badyet pagkatapos ng pagpili, kaya mangyaring maglaan ng oras, mangolekta ng mga tunay na presyo, at hilingin ang lahat ng inyong talagang kailangan para sa inyong negosyo.

Ano ang maaaring mapaggamitan ng pagpopondo?

Maaari ninyong gamitin ang inyong pondo upang bumili ng komersyal na kagamitan mula sa isang awtorisadong negosyante o pagawaan ng mga panlabas na karatula.

Maaari ba akong magsumite ng aking sariling pagtatantya sa kung magkano ang magagastos sa aking kagamitan?

Hindi. Kinakailangan ninyong kumuha ng mga aktuwal na pagtatantya mula sa mga supplier/mga gumagawa ng karatula upang maisumite kasama ng kanilang aplikasyon.

Maaari bang pondohan ng Tenant Improvement Award ang isang nakabase sa tahanan na negosyo na matatagpuan sa aking tirahan?

Hindi. Ang pagpopondo ng lungsod ay maaaring lamang igawad sa mga negosyo na matatagpuan sa loob ng isang gusali na komersyal na espasyo.

Ilang mga pakete ng gawad ang maaari kong aplayan?

Maaari lamang kayong mag-aplay para sa isang (1) gawad sa bawat ikot ng aplikasyon. Kung kayo ay nabigyan na noon ng gawad, anumang uri ng gawad, hindi na kayo kwalipikadong mag-apply sa taong ito.

Ano ang mga kakailanganin para sa mga gantimpalang salapi na kailangan kong malaman?

Ang lahat ng mga pakete ng gantimpalang salapi ay ibinibigay bilang mga pautang na may 0% interes. Ang mga pautang na ito ay maaaring mapatawad at hindi na kailangang bayaran kung natugunan ang lahat ng mga tuntunin ng kontrata. Pinopondohan sila sa pamamagitan ng Payroll Expense Tax, na isang uri ng buwis na binabayaran ng mga negosyo batay sa payroll ng kanilang mga empleyado. Itong pinagkukunan ng pondo ay may mga patakaran na kailangang sundin upang mapatawad. Ang isa sa mga kinakailangan ay ang "umiiral na sahod" na nangangahulugang ang mga manggagawa ay dapat bayaran ng isang patas at karaniwang sahod kung saan sila nagtatrabaho. Dapat din silang maging isang "public benefit", na nangangahulugang ang proyekto ay kailangang magdala ng positibong epekto sa komunidad. Tutulungan kayo ng aming tauhan sa paglilikha ng isang plano upang matupad itong mga kakailanganin.

Maaari ko bang gamitin ang aking award upang bayaran ang pag-install ng aking kagamitan?

Hindi, ang pondo ay maaari lamang gamitin upang bumili ng kagamitan mula sa isang sertipikadong negosyante. Ang paggamit ng mga pondong ito upang bayaran ang paglagay ay maaaring mag-trigger ng umiiral na sahod at pagpapatupad ng LNI. Kung matuklasan ito, maaari kayong pagbayarin.

Ano ang palatakdaan para sa proseso ng pagpili ng Tenant Improvement Program?

Magkakaroon kami ng isang ikot ng aplikasyon sa 2026. Pagkatapos magsara ang anim na linggong panahon ng aplikasyon, sa pakikipagtulungan sa aming mga kasosyo, sisimulan na naming suriin ang mga aplikasyon at piliin ang mga nagwagi. Umaasa kaming maabisuhan ang mga aplikante tungkol sa kanilang katayuan simula Hunyo 2026.

Anong impormasyon ang aking kakailanganin para mag-apply?

Tingnan ang pangunahing pahina para sa detalyadong impormasyon ng pakete.

Paano ko sasagutin ang mga pasalaysay na katanungan sa aplikasyon?

Mangyaring isama ang pinakamaraming detalye hangga't maaari. Ito ay isang pagkakataon upang maibahagi ninyo ang inyong kuwento bilang isang may-ari ng negosyo at kung paano ninyo sinusuportahan ang kapitbahayan sa inyong paligid. Mangyaring maging tiyak at sabihin sa amin tungkol sa kung ano na ang inyong ginagawa para sa inyong mga kapitbahay, at hindi ang kung ano ang inyong planong gawin. Kasama sa mga halimbawa ang pag-aalok ng mga serbisyo na pababa ang presyo, mga diskwento sa mga matatanda, o pakikilahok sa lokal na asosasyon ng negosyo. Maaaring nag-aalok kayo ng inyong espasyo na libre o sa isang diskwentong halaga sa komunidad, mga grupo, o sadyang umuupa ng mga kabataan sa inyong kapitbahayan. Ito ang mga magagandang halimbawa ng kung anong uri ng impormasyon ang isasama.

Paano kung kailangan ko ng tulong sa aplikasyon?

Para sa pangkalahatang mga katanungan tungkol sa aplikasyon, mangyaring mag-email sa oed_tiprogram@seattle.gov o tumawag sa amin sa (206) 684-8090.

Ang aming tanggapan ay nakatuon sa paglikha ng isang naa-access at inklusibong ekonomiya na gumagana para sa lahat sa Seattle sa pamamagitan ng pagtiyak na naaabot ng lahat ng mga komunidad ang mga oportunidad na pang-ekonomiya.

Hinihikayat ng Lungsod ng Seattle ang lahat na lumahok sa mga programa at aktibidad nito. Kung kailangan ninyo ng tulong, pagsasalin, tulong para sa mga may kapansanan, o mga materyales sa ibang format, makipag-ugnay sa aming tanggapan sa (206) 684-8090 o sa OED@seattle.gov.