Na-update noong Oktubre 7, 2026

Naririyan pa rin ang pagpo-pondo. Upang maharap ang mga pangangailangan ng mga maliliit na negosyo, tinatanggap ng Storefront Security Fund na ang mga kamerang pang-seguridad ay kinabibilangang mga gastos na karapat-dapat.

Ang Storefront Security Fund ay nagbibigay ng minsanan na pagbabalik ng ibinayad na hanggang $10,000 bawat negosyo upang makatulong na makabayad para sa mga pagpapahusay sa seguridad na pumipigil sa paninira at pagpipinsala sa ari-arian.

Upang maging kwalipikado, dapat kumpletuhin ng mga negosyo ang isang pagtatasa ng seguridad sa Crime Prevention Through Environmental Design (CPTED) (Pag-iwas sa Krimen sa Pamamagitan ng Pangkapaligirang Disenyo) kasama ng isang sertipikadong eksperto, tulad ng isang Tagapag-Ugnay sa Pag-iiwas ng Krimen mula sa Departamento ng Pulisya ng Seattle. Tanging mga hakbang sa seguridad na binili matapos makumpleto ang pagtatasa ng CPTED sa seguridad ang siyang karapat-dapat para sa pagbabayad ng nagastos.

Bukas ang mga aplikasyon hanggang Disyembre 2026 o hanggang sa maubos ang mga pondo.

Maaaring maibalik ang inyong gastos para sa mga nagastos na nakalista sa ibaba, pati na rin ang iba pang mga pamumuhunan na ipinaalam ng Pag-iwas sa Krimen sa Pamamagitan ng Pangkapaligirang Disenyo. Hinihikayat namin kayo na bumili ng mga investment batay sa mga mungkahing nagmu-mula sa Tagapag-ugnay sa Pag-iiwas ng Krimen sa panahon ng inyong pagtatasa sa seguridad ng CPTED. Kung mayroon man kayong anumang mga katanungan tungkol sa mga kwalipikadong gastos, mangyaring makipag-ugnayan sa aming opisina.

• Pag-iilaw
• Security film sa bintana
• Mga taniman sa mga bintana
• Nakalamina na salamin na "di nababasag" na bintana
• Pag-aayos ng kasalukuyang karagdagang bubong o bagong naidagdag na bubong sa harap ng tindahan
• Mga karatulang pang-negosyo at mga karatulang panturo ng daanan (bukas, sarado, pasukan, labasan, mga oras ng operasyon)
• Pag-label ng address
• Pampanatili sa pagpapaganda ng kapaligirang malapit sa mga takdang lugar ng pag-access (mga halamanang rosas / holly
• Mga napahintulot na mga halamanan sa kalye (tingnan sa pang-kalyeng patakarang pang-kasangkapan)
• Scissor na gate
• Tumutuping bintanang pangseguridad sa trankahan
• Mga Deadbolt
• Mga pagtranka ng bintana
• Mga sistema ng alarm (kagamitan lamang, hindi mga serbisyo sa pagsusubaybay)
• Mga kamerang pang-seguridad (kagamitan lamang, hindi mga serbisyo sa pagsusubaybay)

Hindi karapat-dapat na mga gastos:

• Pag-tanggal ng graffiti
• Pagsasauli ng ibinayad para sa mga tauhan ng seguridad
• Pagka-wala ng mga ninakaw na mga gamit/serbisyo

Sundin itong mga kakailanganing mga hakbang upang makapag-aplay para sa pondong ito:

Ika-1 Hakbang Mag-iskedyul para sa inyong libreng CPTED Security Assessment kasama ang inyong lokal na tagapag-ugnay sa pag-iiwas ng krimen.

• Upang makapag-iskedyul ng CPTED security assessment, alamin ang inyong lokal na Crime Prevention Coordinator (CPC) sa online at magpadala sa kanila ng isang email at kasama ang:
  • Ang pangalan ng inyong negosyo
  • Ang address ng inyong negosyo
  • Tandaan na humihiling kayo ng CPTED security assessment para sa Programang Pagbabalik sa Negosyo.

Ika-2 na hakbang: Kumpletuhin ang inyong CPTED Security Assessment at bigyan-konsiderasyon ang mga rekomendasyon na ginawa ng inyong CPC.

• Sa panahon ng inyong CPTED Security Assessment, susuriin ng inyong CPC ang inyong negosyo kasama kayo. Hihilingin sa inyo na inyong i-note ang mga tinalakay. Hindi kayo tatanggap ng pormal na nakasulat na pagtatasa bilang bahagi ng prosesong ito.

Ika-3 na hakbang:Gumawa ng mga plano para sa inyong pagbili, at tandaan ang kabuuang pinaka-malaking mababawi na naghahalagang $10,000.

• Kumuha ng anumang kakailanganing permit para sa mga pag-babago ng inyong seguridad.
• Opsyonal: Kontakin ang aming tanggapan sa (206) 684-8090 o sa OED@seattle.gov upang talakayin ang mga pagbabago sa seguridad na ibig ninyong gawin at magtanong ng anumang mga katanungan.
• Kung ang inyong negosyo ay matatagpuan sa isang makasaysayang distrito, maaaring kakailanganin niyo ring kumuha ng Sertipiko ng Pag-apruba bago bumili ng pamumuhunan na nauugnay sa CPTED. Tingnan kung ang inyong negosyo ay nasa isang makasaysayang distrito dito sa: Mga Makasaysayang Distrito.

Ika-4 na hakbang: Isagawa ang inyong pagbili at magkolekta ng ebidensya ng pagbabayad (mga invoice na may balanse na zero at/o mga resibo).

• Mga halimbawa ng wastong pagdo-dokumento ng gastos ay kinabibilangan ng isang detalyadong invoice na may kasamang ebidensya ng pagbabayad na tugma sa halaga ng dolyar. Ang mga maaaring tanggapin na uri ng ebidensya ay kinabibilangan ng, ngunit hindi limitado sa:
  • Katibayan ng invoice na malinaw na nagpapakita na ang balanse ay nabayaran nang buo.
  • Katibayan ng invoice, nasabing presyo, o estima, na sinasamahan ng katibayang nai-cash ang tseke.
  • Katibayan ng invoice, nasabing presyo, o estima, na may kasamang ulat mula sa banko o ulat ng credit card na malinaw na pinakikita ang pagbili.
• Kakailanganin naming makita kung ano ang nabili, ang petsa ng pagbili, at kung nakumpleto na ang pagbili.

Ika-5 na hakbang:Isumite ang inyong aplikasyon para sa pagbabalik ng gastos online.

Pakisuriin ang buong pamantayan sa pagiging kwalipikado, mga kakailanganing pagdo-dokumento, at iba pang impormasyon sa ibaba bago mag-aplay.

Mag-aplay sa online

Ang aming tanggapan ay nakatuon sa paglikha ng isang naa-access at inklusibong ekonomiya na gumagana para sa lahat sa Seattle sa pamamagitan ng pagtitiyak na ang lahat ng mga komunidad ay may access sa mga oportunidad na pang-ekonomiya.

Hinihikayat ng Lungsod ng Seattle ang lahat na lumahok sa mga programa at aktibidad nito. Kung ibig ninyo ng tulong, pagsasalin, pag-aabot ng tulong dahil sa kapansanan, o mga materyal sa ibang ayos, kontakin lamang ang aming tanggapan sa (206) 684-8090 o sa OED@seattle.gov.

Pumunta sa isang seksyon

1. Mga kakailanganin sa pagiging kwalipikado
2. Mga kakailanganing dokumento para sa aplikasyon
3. Tulong sa aplikasyon
4. Madalas na mga Katanungan

Mga kakailanganin sa pagiging kwalipikado

Upang maging kwalipikado para sa Storefront Security Fund, ang mga karapat-dapat na negosyo ay kinakailangang:

• Tumanggap ng pagtatasa sa seguridad ng CPTED.
• Bumili ng isang kwalipikadong pamumuhunan sa seguridad na inalam ng CPTED matapos ang pagtatasa sa seguridad ng CPTED.
• Mayroong aktibong Lisensya ng Pagnenegosyo sa Lungsod ng Seattle.
• Alinsunod sa lahat ng mga batas at regulasyong pederal, estado, at lungsod.
• Natatagpuan sa loob ng lungsod ng Seattle.
• Maging isang independiyenteng pag-aari at hindi naka-chain na negosyo.
  • Independiyenteng pagmamay-ari ng prangkisa na mga negosyo ay kwalipikado ring mag-aplay.
• Maging isang para-kumita na negosyo o isang hindi kumikita na entidad, 501(c)(3), 501(c)(6), o 501(c)(19).
• Hindi lalagpas sa limang (5) lokasyon.
• Kasalukuyang bukas at aktibo para sa negosyo o nagpaplanong magbukas na may ebidensya ng pinirmahang kontrata.

Karagdagang pamantayan:

• Ang bawat lokasyon ng negosyo, may-ari, o pang-pakilala (tulad ng EIN, SSN, numero ng UBI, numero ng Business License, tahanan, at/o address ng negosyo) ay maaari lamang magsumite ng isang aplikasyon.
• Dapat gumagana ang negosyo mula sa isang pisikal na lokasyon at/o mobile truck na nagsisilbi sa publiko.
• Kung nagawaran, dapat kumpletuhin ng mga negosyo ang isang W-9.

Pamantayan ayon sa laki ng negosyo:

• Ang negosyo ay dapat magkaroon ng hindi hihigit sa 50 full-time na katumbas na mga empleyado.
• Ang negosyo ay dapat kumita ng higit sa $1,000 at hindi lalampas sa $7 milyon sa taunang net na kita ayon sa iniulat na buwis ng Business and Occupation sa Department of Finance and Administrative Services ng Lungsod ng Seattle.

Ang mga negosyong HINDI kwalipikadong mag-aplay para sa Storefront Security Fund ay kinabibilangan ng:

• Mga negosyong matatagpuan sa unincorporated King County.
• Mga chain na negosyo.
• Mga negosyong "aliwan para sa mga sapat na edad" na sumasailalim sa Seattle Municipal Code 6.270.
• Pang-maiksian o pang-matagalang pag-rerenta o pang-puhunang pag-aari (personal na real estate at mga independenteng mga realtor; pang-maiksian na pag-rerenta na kinabibilangan ng Airbnb, Vrbo, atbp.).
  • Ang pangangailangang ito ay hindi nalalapat sa mga may-ari ng negosyo na nagpapaupa o umuupa ng kanilang storefront na pag-aari. Ang mga nagmamay-ari ng negosyo na nagpapa-upa o umuupa ng kanilang storefront na pag-aari ay maaaring mag-aplay.
• Taksi, rideshare, o mga negosyo sa serbisyong nag-de-deliver ng pagkain (hal., Uber, Lyft, Yellow Cab, Door Dash, Uber Eats, atbp.).
• Tandaan: Mga nagmamay-ari ng mga ari-arian at mga landlord ay hindi kwalipikado sa pag-popondo, subali't maaari nilang hikayatin ang kanilang mga nangungupahang nag-nenegosyo na mag-aplay.

Mga kakailanganing dokumento para sa aplikasyon

Ang mga online na aplikasyon sa Storefront Security Fund ay tatanggapin, susuriin, at ipoproseso sa oras na dumating ang mga ito.

Maaari ninyong suriin ang dokumentong ito kasama ng mga katanungan sa pag-aaplay bago mag-aplay:Gabay sa mga Katanungan ng Pag-aaplay sa Pagbabalik sa Negosyo.

Kakailanganin ng mga kwalipikadong aplikante ang mga sumusunod na impormasyon upang maisumite ang kanilang aplikasyon:

• Ang numero na Unified Business Identifier (siyam na numero).
  • Tumatanggap kayo ng numerong Unified Business Identifier kapag nag-aaplay kayo para sa inyong Lisensya ng Pagnenegosyo sa Estado ng Washington. Maaari ninyong hanapin ang inyong numero ng Unified Business Identifier sa online sa tulong ng Washington State Department of Revenue.
• Numero ng City Business License (apat hanggang anim na numero).
  • Kung kayo ay nagnenegosyo sa Seattle, dapat mayroon kayong sertipikasyon ng buwis na Seattle Business License, na kinikilala rin bilang numero ng City Business License. Dapat ninyong i-renew ang sertipikong ito bawat taon bago mag-Disyembre 31.
  • Ang numerong ito ng City Business License ay hiwalay sa Washington State Business License. Kung hindi ninyo mahanap ang inyong numero sa City Business License Find a Business search na tool, maaaring mayroon lamang kayong Washington State License.
  • Maaari kayong mag-aplay para sa City Business License at i-renew sa online sa filelocal-wa.gov o sa pamamagitan ng koreo.
  • Kung mayroon kayong mga katanungan, mangyaring ipaabot ng direkta sa City Finance sa tax@seattle.gov o tumawag sa (206) 684-8484.
• Nakumpletong Pagtatasa sa seguridad ng CPTED.
  • Upang mag-iskedyul ng pagtatasa sa seguridad ng CPTED, alamin ang inyong lokal na Crime Prevention Coordinator onlineat magpadala sa kanila ng email. Isama ang pangalan ng inyong negosyo, address ng inyong negosyo, at tandaan na humihiling kayo ng pagtatasa sa seguridad ng CPTED para sa Balik sa Negosyo na Programa.
  • Available dito ang listahan ng mga kwalipikadong pamumuhunan.
• Katibayan ng pagbabayad para sa mga kwalipikadong pamumuhunan sa CPTED.
  • Magbigay ng mga kopya ng mga resibo at/o mga invoice para sa mga pagbili ng mga kwalipikadong pamumuhunang may kaalaman sa CPTED. Available dito ang listahan ng mga kwalipikadong pamumuhunan.
  • Parehong kakailanganin ang detalyadong invoice at ebidensya ng pagbabayad para makonsidera ang nakumpletong aplikasyon ay angkop para sa pondo.
  • Mga pagtatantya, alam na presyo, at/o mga resibo na walang ebidensya ng pagbabayad ay hindi tatanggapin.
  • Ang Storefront Security Fund ay gumagana sa ilalim ng isang modelong pagbabalik ng gastos na nangangahulugang ang mga aplikante ay nakabili na ng mga kwalipikadong kagamitan o nagbayad na para sa mga kwalipikadong pag-kakabit.
  • Kung mayroon man kayong anumang mga katanungan tungkol sa mga kwalipikadong gastos, mangyaring makipag-ugnayan sa aming opisina.

Tulong sa aplikasyon

Ang aplikasyon ng Storefront Security Fund ay dapat isumite online sa wikang Ingles.

Suporta sa pagsasalin o interpretasyon

Mayroon kaming bilingual na kawani na maaaring sumagot ng mga katanungan at tumulong sa inyo na makumpleto ang inyong aplikasyon.

Upang humiling ng mga serbisyo sa pagsasalin o interpretasyon, maaari kayong tumawag sa (206) 684-8090. Mangyaring mag-iwan ng voicemail kasama ang inyong pangalan, numero ng telepono, prearang wika, at ang uri ng tulong na kailangan.

Karagdagang tulong sa aplikasyon

Ang aming tanggapan ay nakatuon sa paglikha ng isang naa-access at inklusibong ekonomiya na gumagana para sa lahat sa Seattle sa pamamagitan ng pagtitiyak na ang lahat ng mga komunidad ay may access sa mga oportunidad na pang-ekonomiya. Kung kailangan ninyo ng tulong, pagsasalin, mga akomodasyon para sa kapansanan, o mga materyales sa ibang ayos, mangyaring makipag-ugnayan sa aming opisina sa (206) 684-8090 o sa OED@seattle.gov.

Madalas na mga Katanungan

1. Ano ang mangyayari matapos akong mag-aplay?

Matapos kayong mag-aplay, makakatanggap kayo ng kumpirmasyon sa email mula sa OED_BackToBusiness@seattle.gov. Makakatanggap kayo ng abiso sa pamamagitan ng email kung kailangan namin ng karagdagang impormasyon upang makumpleto ang inyong aplikasyon. Matapos makumpleto ang inyong aplikasyon, makakatanggap kayo ng dalawang dokumento para sa e-signature sa pamamagitan ng AdobeSign. Matapos makumpleto ang inyong aplikasyon, makakatanggap kayo ng dalawang dokumento para sa e-signature sa pamamagitan ng AdobeSign. Matapos ninyong makumpleto ang mga e-signature, ipapadala namin sa inyo ang tseke sa koreong address na nakalista sa inyong W-9. Para sa mga kumpletong aplikasyon, ang proseso ng pagsusuri ng aplikasyon ay maaaring tumagal ng hanggang apat na linggo. Ang mga aplikasyon na kulang sa impormasyon o nangangailangan ng pagdaragdag ay mas matagal ang proseso.

Tandaan: Ang aming kawani ay makikipag-ugnayan sa mga aplikante sa pamamagitan ng telepono o email na nagtatapos sa @seattle.gov. Maaaring tiyakin ng mga negosyo ang pagkakakilanlan ng kawani sa pamamagitan ng pagtawag sa aming opisina sa (206) 684-8090. 

2. Ano ang pagkakaiba ng Storefront Repair Fund at ng Storefront Security Fund?

Ang Storefront Repair Fund ay tumutulong sa pagbayad ng mga pag-aayos dahil sa kapinsalaan mula sa bandalismo o iba pang pagsisira ng ari-arian. Matuto nang higit pa tungkol sa Storefront Repair Fund.

Tumutulong ang Storefront Security Fund sa pagbabayad ng mga paraan ng pag-iiwas na seguridad.

3. Ang mga grant ng Storefront Security Fund ba ay limitado lamang sa mga pagbili para sa mga hakbang sa pang-iwas na seguridad?

Magagamit lamang ang pagpopondo para sa mga bilihin na nauugnay sa mga pamamaraan na pang-iwas na pang-seguridad matapos makumpleto ang pagtatasa ng seguridad ng CPTED. Kabilang sa mga posibleng kwalipikadong pagbili ang pansamantalang pagtakip ng mga bintana o pintuan, pagsasa-ayos o pagpapalit ng bintana, pagsasa-ayos o pagpapalit ng pinto, pagsasa-ayos o pagpapalit ng gate, mga pinto, kandado, mga karatula, pang-seguridad na balat para sa bintana, at salamin na hindi mababasag. Magmula ng Hulyo 30, 2026, sinasakop na ng pagpopondong Storefront Security ang pagbibili ng mga kamerang pang-seguridad (mga kasangkapan lamang). Hindi sinasakop ng pagpopondong Storefront Security ang pagtanggal ng graffiti, pagbabalik bayad sa mga tauhang pang-seguridad, o ang pagkawala dahil sa pagnanakaw ng mga gamit.

Kung ibig ninyong mag-aplay para sa pagpopondo upang ayusin ang harapan ng inyong negosyo, mangyaring sundin ang mga abiso sa aplikasyon. Karagdagang impormasyon tungkol sa Storefront Repair Fund ay makukuha dito.

Kung makakita kayo ng graffiti sa isang pampublikong lugar o sa pribadong pag-aari, maaari ninyo itong iulat sa pamamagitan ng:

• Pag-gamit ngFind It/Fix It app, ang online report form o sa pamamagitan ng pagtawag sa Graffiti Report Line ng Lungsod sa (206) 684-4243.
• Karagdagang impormasyon tungkol sa Programa ng Lungsod sa Pag-iwas at Pagtanggal ng Graffiti ay makukuha sa pahina na ito.

4. Ang Storefront Security Grant ay $10,000. Magkakaroon ba ng pagkakataon na lumampas ang isang grant sa limitasyong iyon sa mga di pangkaraniwang pagkakataon, tulad ng maraming pamumuhunan na kailangang gawin?

Aming kinikilala ng ang halaga ng mga paraan sa seguridad ay maaaring humigit pa sa $10,000. Gayunpaman, ang mga kaloob ay limitado sa $10,000 upang ang Lungsod ay makakatulong hangga't maaari sa pinakamaraming negosyo.

5. Anong uri ng mga negosyo ang kwalipikado para sa pagpopondong ito?

Para sa mga negosyong para magka-tubo o sa mga entitad na walang tubo, 501(c)(3), 501(c)(6), o 501(c)(19), na may tindahan, mga tindahan sa unang palapag na nagsisilbi sa publiko maging ito'y mga food truck ay kwalipikado para sa Pondong Storefront Security. Lahat ng mga aplikante ay kinakailangang mayroong napapanahong lisensya sa negosyo mula sa Lungsod ng Seattle. Ang mga tagapamahala ng ari-arian at mga may-ari ng lupa ay hindi kwalipikado para sa pondo, ngunit maaari nilang hikayatin ang kanilang mga nangungupahan na mag-aplay.

6. Ano itong Pag-iiwas ng Krimen sa Pamamagita ng Disenyo sa Kapaligiran?

Ang Crime Prevention Through Environmental Design ay isang nakabatay sa lugar at iba't-ibang disiplina na diskarte sa pagpigil sa krimen gamit ang disenyo at pamamahala ng buong kapaligiran upang maimpluwensyahan ang pag-uugali ng tao upang hadlangan ang krimen sa pamamagitan ng pagtaas ng pakiramdam ng panganib ng potensyal na magkakasala. Binibigkas na ‘sep-ted’, ang proseso ay nagpapababa ng pagbibiktima, nagpapataas ng pakiramdam ng kaligtasan, at kinikilala ang mahalagang papel ng komunidad sa paglikha at pagpapanatili ng mga ligtas na espasyo. 

Nagbibigay ang CPTED ng balangkas para sa pagtatasa ng pisikal at panlipunang kapaligiran ng mga lugar at kung paano ginagamit ang mga ito upang matukoy ang mga huwaran ng aktibidad at magkasalungat na paggamit, makilala ang mga impluwensyang pangkultura at pangkasaysayan at ang mga uri at antas ng pangangalaga na naroroon.

Tignan ang Webpage ng Seattle Police Department tungkol sa CPTED at ang flyer para sa karagdagan na impormasyon.

7. Kwalipikado bang mag-aplay ang mga negosyong cannabis?

Oo, maaaring mag-aplay ang mga tindahan ng cannabis, mga nagtatanim, at dispensaryo, basta't natutugunan nila ang iba pang pamantayan sa pagiging kwalipikado.

8. Paano pipiliin ang mga tatanggap ng kaloob?

Susuriin at ipoproseso namin ang mga aplikasyon sa oras ng pagpasok ng mga ito. Ang mga aplikante ay bibigyan ng kaloob sa pagbalik ng gastos kung sila ay nakakatugon sa mga kakailanganin at kung may makukuha pang pondo.

9. Kailangan bang ibalik ang salapi ng mga napagkalooban?

Hindi, ito ay isang grant. Hindi kinakailangang ibalik ng mga negosyo ang salapi.

10. Ang mga grant ba ay itinuturing na nabubuwisang kita?

Hindi, ang mga grant ay hindi nabubuwisang kita.

11. Ang mga part-time na empleyado ba ay binibilang na mga empleyado?

Oo, ang sinumang tao na nasa listahan ng sinesuwelduhan ay binibilang na isang empleyado.

12. Ano ang pinagmumulan ng pagpopondo para sa Storefront Security Fund?

Ang Storefront Security Fund ay pinondohan ng Buwis mula sa Payroll Expense.

13. Maaari bang tanggapin ng mga aplikante ang pondo bago bumili?

Hindi. Ang Programang Pagbabalik sa Negosyo ay nag-ooperate sa ilalim ng modelong pagbabalik ng gastos, na ang ibig sabihin ay nabili na ng mga aplikante ang kasangkapan o nabayaran na ang mga pagsasa-ayos at makakapag-pakita ng mga ebidensyang dokumento ng mga ginastos.

14. Paano matatanggap ng mga aplikante ang pondo?

Ang mga karapat-dapat na aplikante ay makakatanggap ng tseke sa pamamagitan ng koreo sa address na nakalista sa kanilang W-9. Mayroon kayong opsyong tumanggap ng mga tseke nang personal kung kinakailangan.

15. Paano kung dati akong nag-aplay sa programang Storefront Security Fund, ngunit ang kabuuang halaga ng aking mga gastos ay lumampas sa dating aabutin ng kaloob ng Security Fund na $6,000?

Ang mga aplikante na dati nang nag-aplay sa programa na may kabuuang gastos na lumampas sa dating aabutin ng grant ng Security Fund na $6,000 ay kokontakin ng isang miyembro ng team ng Back to Business sa Huwebes, Setyembre 10, 2026.

Ang mga aplikante lamang na nag-pakita ng mga dokumento sa pag-gastos na may suma total na higit sa $6,000 ang siyang magiging karapat-dapat na makatanggap ng suplemental na grant sa pagbabalik ng gastos. Halimbawa, kung dati kayong nag-aplay ngunit nag-sumite lamang ng mga resibo na umabot ng $6,000 o mas mababa pa, hindi kayo magiging karapat-dapat na makatanggap ng karagdagang grant sa pagbabalik ng gastos.

Mangyaring makipag-ugnayan sa team ng Back to Business saOED_BackToBusiness@seattle.govkung mayroon kayong anumang mga katanungan tungkol sa proseso.