Amharic / አማርኛ

በሲያትል አስተዳደር የደሞዝ ዝርፊያ ድንጋጌ (SMC 14.20)

Seattle Administrative Wage Theft Ordinance (SMC 14.20)

የሲያትል ሰራተኞች ከደሞዝ ዘረፋ ተጨማሪ መከላከያዎች አሏቸው።

ከአፕሪል 1, 2015 ጀምሮ፣ በሲያትል ውስጥ የሚሰሩ ሰራተኞች ያሏቸው አሰሪ መሥሪያ ቤቶች፣ መክፈል ያለባቸውን ደሞዞችንና ቲፖችን ሁሉ እንዲከፍሉ፣ ሥራ በሚቀጠሩበት ጊዜ ላይ እና፣ ስራ በሚቀይሩበት ጊዜ ላይ፣ እንዲሁም ደሞዞችና ቲፖች በሚከፈሉበት በእያንዳንዱ ጊዜ ላይ፣ የሥራ ቅጥር መረጃ እንዲሰጡ፤ እንዲሁም የደሞዝ ዝርፊያን አስመልክቶ ሰራተኛው ያለውን መብት የሚገልጽ በጽሑፍ የተዘጋጀ ማስታወቂያ እንዲሰጡ አዲስ የደሞዝ ዝርፊያን የሚመለከት ሕግ ያስገድዳቸዋል።

ይህ በጽሑፍ የተዘጋጀው ማስታወቂያ፣ በእንግሊዝኛ፣ በስፓኛ እንዲሁም፣ በስራ ቦታው ውስጥ በሚኖሩ ሰራተኞች በተደጋጋሚ በሚነገሩ ማናቸውም ቋንቋዎች መሰጠት ይኖርበታል።

ይህም ሕግ፣ የሠራተኛ መመዘኛ ጽ/ቤት፣ በሲያትል ሕዝባዊ መብቶች ጽ/ቤት ውስጥ የሚገኘው አዲስ ቅርንጫፍ፣ ስለ አልተከፈሉ ደሞዞችና ቲፖች አስተዳደራዊ ምርመራዎችን እንዲያካሂድ ይፈቅድለታል።

የደሞዝ ዝርፊያ መፈጸም አሁንም ቢሆን በ SMC 12A.08.060 መሰረት ወንጀል ነው።

ከበቀል መከላከያ

ሰራተኞች በዚህ ትእዛዝ የተጠበቁ መብቶቻቸውን በመጠቀማቸው ምክንያት፣ አሰሪ መሥሪያ ቤቶች አሉታዊ የሆኑ ተግባሮችን (ለምሳሌ፣ ከሥራ ማባረር፣ ከስልጣን ማውረድ፣ የኢሚግሬሽን ወረቀትን አስመልክቶ፣ ለኢሚግሬሽኝ ለማሳወቅ ማስፈራራት) ከመፈጸም ተከልክለዋል።